Judges 20:1-12

¹Urngin e girdi’ nu Israel ni tabab u Dan ko lel’och me yan i mada’ nga Beersheba u lan e yimuch, ma ku er rogon u lan e nam nu Gilead u lan e ngek, nra fulweged e pong nike yib ngorad. Miyad mu’ulung nike ta’reban’rad u p’eowchen SOMOL u Mizpah.

²Urngin e tayugang’ ko pi ganong nu Israel e yigo’ rabad ko re mu’ulung ney ko girdi’ rok Got, ma pi salthaw ni ka ra fal’eged rogorad e 400,000 u gubin.

³Kangiyal’ nem me rung’ag e girdi’ ko Benjamin nike mu’ulung urngin piyu Israel nga Mizpah. Me fith piyu Israel ni lungurad, “Mu weliy ngomad, rogon ni buch e ren’ey?”

⁴Me fulweg fa en nu Levi ni kan li’ e bpin rok ni ga’ar, “Bpin rog nge gag e gu warow nga Gibeah u lan fa gin nib milsuwon ko Benjamin ni nggu pirew u rom e re nep’ nem.

⁵Me yib e pumo’on nu Gibeah ngar longobiyed fare naun nnep’ ni ngar fekedgag. Ra leam niged ni ngar thanged e pogofan rog; miyad cheal ngar koled e bpin rog u gelngirad, nge yim’.

⁶Mu gu fek e ldow rok, nggu th’eth’ab nge ra reb fa ragag nge l’agruw i ganong rok yu Israel mu gu pi’ bang ngay. Pi girdi’ ney e ka ra ngongliyed ban’en nib kireb mab golong u fithik’dad.

⁷Gimed urngin u roy ma gimed piyu Israel. Mang e ngad rin’ed u murung’agen e ren’ey?”

⁸Ma gubin e girdi’ ni sak’iy ngalang ta’ab yay me lungurad, “Dariy ta’ab gamad nra sul nga tafen ni demturug ko ma par u lan ba tent ara ba naun.

⁹Ba’aray e n’en ni ngad rin’ed: ngad girngiyed e pow nge dugil boch e pumo’on ni nge cham nga Gibeah.

¹⁰Ta’reb e pasent u ragag guruy ko pumo’on nu Isarel e ngar pi’ed gan e salthaw, ma tin kabay e ngranod ngar gechig niged yu Gibeah ni bochan fare ngongol ni puwlag nike rin’ fapi cha’ u lan yu Isarel.”

¹¹Are urngin fapi pumo’on nu Israel nra mu’ulunggad ni bochan ta’ab n’en — ngar chamgad ko fachi binaw.

¹²Me l’oeg e pi ganong nu Israel e pi tamal’og ngranod u lan fa gin tafen fare ganong ko Benjamin ni be lungurad, “Mang e biney e kireb ni ka mu ngongliyed?