Juan 8:45-57

⁴⁵Beju yama micuana butsepi emimiani biame, aimue micuaneda ema peje su jei epuani mahue.

⁴⁶Aimue aiya biame ema jucha jepuiti tuaquisata cua mahue. ¿Jucuaja su ni micuaneda ema jei aja mahue, ema butsepi emimiani biame?

⁴⁷Quebata Diusu sa dharejiji epuani su, tuahueda Diusu sa quisa cuana id'abaja yatani. Micuaneda mu Diusu sa mimi id'abaja mahue yainia, aimue tuseda puji mahue putsu.

⁴⁸Da su beju fariseo cuana ja Jesús uja atana: —Enei hue, mida da mue ai puji saida samaritano nime. Mida da einid'u madhadaji.

⁴⁹Jesús ja jeutsutana huecuana uja: —Aimue ema einid'u madhadaji mahue. Yama quema Tata Diusu bahui eiyubainia. Aimue micuaneda ema eiyubainia mahue.

⁵⁰Tsada mahue quema cristiano cuana ja ema aida pabata puji. Quema Tata sa tsada bahui ema aida papu. Pamapa ema aida baja mahue yatani cuana tuahueda ematsetayu.

⁵¹Ene putsu, yama micuana equisainia, quebata ja quema mimi cuana jei yata su, aimue tueda emanueni mahue.

⁵²Da su neicha Jesús jeutsutana huecuana: —Ene putsu, mida einid'u madhadaji. ¿Cuaja su mi daja emimiani? Abraham chenu manuidha. Diusu sa profeta cuana di manutaidha.

⁵³¿Ai mida tuna ebia su aida bata? ¿Aidhe pepe jia mida epuani?

⁵⁴Da su Jesús ja jeutsutana huecuana: —Ahua ema quema puji quitaita equisanetiacuinatiani su, aimue chujeji mahue. Aimue ema saida equisanetiacuinatiani mahue quema puji. Quema Tata Diusu mu da quema puji saida equisanetiacuinatiani. Tueda quema Tata micuaneda, “Ecuanaju sa Diusu”, epuani biame, beju aimue daja mahue.

⁵⁵Mue micuaneda shanapa tueda. Yama bahui tueda eshanapainia. Ahua ema, “Aimue yama shanapa tueda”, pu cua su, ema micuaneda nime bid'umimi puji pu cua. Yama mu yainia tu ema yametani ai cuana, yama tueda eshanapainia putsu.

⁵⁶Micuana sa tata Abraham chenu da beidaji puidha, ema yahua su epusiu bahue pu putsu.

⁵⁷Da su Jesús atana huecuana uja: —Beju aimue mique pishica tunca mara yani mahue biame, mida, Abraham chenu bana, epuani.