Uyuhana 8:45-57

⁴⁵In boshi kadure daki ya nyaa ce in mi ba.

⁴⁶Avee ni anyimo ashime mamekum in hara nimadi? Inki mabuka kadu re kani nyani yawuna daki ya hen in miba?

⁴⁷Me de sama zi wasere make ma kunna tize ta, asere, shi da kunna shi tize tasere barki sa shi da Asere.”

⁴⁸Mayaduwa wakabirka me, “tidabome kadure ba barki sa taguna hu ubasamariya mani u zin na gbergene?”

⁴⁹Yeso makabirka, “Minzoom na gbergene, inyinza a coo um ti nanu. Slibe ida nyin zami tinanu tum ba.”

⁵⁰Idaa nyaram u ye zize u nice numba, anunyara u anime warani wagwara.

⁵¹Kadure, Kadure imboshi. Vat due sa matarsa tize tum, madida irame iwono ba.”

⁵²Ba mayahudawa wagunme, anume tarusa in zin na gbergene. Ibrahim nan ana katuma kasere wa wijo. hube waguna, debesa matarsa tize tuwe madi da donkin kino me iwowoba'.

⁵³Uda tekuwe a coo uru Ibrahim sama ma wi, nani uteki me? ana dang aka tuma kasere wawijo, hu ucira nice nuwe aveni?”

⁵⁴Yeso makubirka, “Inki ma heza nice num uyeze usisi unee ani, acooum mani Asere ashime.

⁵⁵Shibe itashime ba, min inrusanme. inki maguna intamin me, macukuno kasi we ini, una ma cuco.

⁵⁶Min rusanme intarsa tize tume. Aco ushi ibrahim ma zin na puru a rum in nu ira u wui um, ma ira uni ma wuna apum arum”.

⁵⁷Ma yahudawa wagun me, “Daki wabiki tiwe akuru ciibi sa udigu wamu ira Ibrahim?”