7Wke mengyiz guin, re men: ―Dechey, yëten noo txu ysee noo lo nis or ne rni we. Te te chene rlaan noo tee noo, kwlodee ste mén rdee.
8Lex re Jesus lo men: ―Gutsaxee gulis xloon de, gugya.
9Orgueguin wyaken mén guin, wlis men xloon men, wzelo men rzaa men. Kom dxe ne rne men-Israel nak dxe guin,
10neguin re men-Israel lo mén guin ne wakngyëël: ―Dxe ne rne be nak nedxeree; ndux gweey de xloon de.
11Wke mén guin, re men: ―Laa men ne wneseyaken noo na lo noo: “Gulis xloon de, gugya.”