44»¿Suꞌanik kakubꞌiꞌ kꞌuꞌx alaq wukꞌ riꞌin, we xew katzukuj yakbꞌal qꞌij alaq chiwach ralaq yey na katzukuj ta alaq ri saqil yakbꞌal qꞌij, ri xew kape rukꞌ ri Dios?
45E chiwach ralaq kankoj mak alaq chwach ri Nuqaw; na e ta riꞌ. Ma ri kakojow mak chiꞌij alaq, e ri jun lik kubꞌam kꞌuꞌx alaq rukꞌ; waꞌ e ri Moisés.
46Ma we ta e laꞌ lik kakoj alaq ri ubꞌiꞌim lo ri Moisés, riꞌ kakoj alaq ri kantzijoj riꞌin. Ma rire panuwi riꞌin xtzꞌibꞌan wi.
47Noꞌj we na kakoj ta alaq rutzꞌibꞌam kan ri Moisés, ¿saꞌ kꞌu uꞌanik riꞌ kakoj alaq ri kambꞌiꞌij riꞌin che alaq?» xcha ri Jesús.
Juan 5
Juan 5:44-47