Juan 5:39-46

³⁹Kwathoz nteed goo xkiiz Diox, tak ndak goo loy yetsal goo yalnaban kuu thitanax, per nyent goo lee xkeets Diox ndaa kwent naa cho nakʼn.

⁴⁰Per lee re goo nlaazt goo yaad goo lon, tsa keno goo yalnaban kuu thitanax.

⁴¹’Nkwaantʼn tsa tsow nataak re men na.

⁴²Per nlebeen re goo, ne nen napt goo yalnkelaaz chaan Diox leettsoo goo.

⁴³Na ndyalʼn kwent chaan Xutʼn, per lee re goo nkayaat goo na, ne os tedib zha yaad por kwent chaanka zha, zhaʼa si tekayaa goo.

⁴⁴¿Xomod yelaaz goo na, os beeta nkwaan goo par tsow nataak re men goo, ne nkwaant goo par tsow nataak Diox goo?

⁴⁵Tsowt goo xgab lee na keki goo lo Xutʼn, lee zha kuu nkeki goo nak Moisés kuu mndaa ley kuu nyelaaz goo, ne ndak goo por leey tsow goo gan yalnaban.

⁴⁶Os wli nyelaaz goo kuu mkee Moisés, noga ndoblo yelaaz goo na, tak kwent chaan da mndaa Moisés lo re yeets kuu mkee Moisés.