Juan 5:2-9

²Nanno chashoanfoan aton iquiti cunu ini. Nanno chaimashta ianman facushta ini. Cusumun pushu cahuan sharamishti mucu fustiti tsaoacuafo.

³Nannori isinin imisifo ichaparasi racanifo. Fushofo non chatofo non yoratisho quicurushui futsuafori racanifo. Ascaino Diospan oinmati afu nai muran icaton nanno ian man facushta ano oi fustirasi ipaoni. Nanno nocoshon Diospan oinmatinin ianman facu fuchomapaoni. Nan ianman facushta fuchoai muran isinin icai futsa iqui tauashu cayapaoni. Ascan nantifi isinin imisifoan manaifono Diospan oinmatinin ian fuchomanaino ian muran iquitaunon.

⁵Ascano Jesús nanno nocotoshiqui oian nocofunu treinta ocho fari isinin itianiquin noconi. Yoratisho quicurushui futsua nipaiqui ranainton fuchini.

⁶Futsan Jesús yoishoni na nocofunu treintiocho fari isinin imisiran. Huaiton yocani, —¿Min cayapaimun? —ishon Jesús yocaiton.

⁷Nicaquin cumani, —Tsoancai ua ianman facushta muran iquimamisima Diosin nai oinmatinin ian fuchoaino. Un iqui taupaiyaiton ua shutimisiforan, —ishon yoiaiton.

⁸Ascaiton Jesús cumani, —Funinaca huahuun. Min oshati ya catashquin, —ishon yononi.

⁹Ascaiton nicai funinaca huan ahuun oshati ya cani. Nan sabadoai shafatan yoratishon quicurushui futsua Jesús caya huani.