Juan 5:2-9

²As nan sag-un chi Sungkopan chi Karnero ad Jerusalem, wacha nan nanapsong ay mun-om-omsan ay nan ngachana as nan kalen chi Hebreo at Betsata. Naliwus as lema ay fiangsar nan hana mun-om-omsan.

³As nan nauycha ay fiangsar nan finmafiankan chi ongoongor ay munsaket ay tataku ay kaman as nan chiyuycha nafurag, napilud ya paralitiko. Sasad-un chatona nan munkiwiyan nan chanum,

⁴tay komsop kanu nan anghel nan Apo mu mamingsan ya ikiwina nan chanum. Mu ngachana kanu nan omon-ona ay pomachak as nan chanum mu marpas ay maikiwi at makaan nan kumpurmi ay saket ay wacha kan hiya.

⁵Wacha hid-i nan usa ay laraki ay turon puru ya waru ay tawwun chi nunsasaketana.

⁶Kun pay inilan Jesus hiya ay finmafianak hid-i ya ammuna ay nafiayag chi saketna, kenalina kan hiya, “Ay laychum ay omammay?”

⁷Tinumfor nan laraki ay cha munsaket, “Sir, maid met mangipuuy kan ha-un as nan nanapsong ay mun-om-omsan mu maikiwi nan chanum. As nan chak umuyan as nan maikiwiyan nan chanum, wacha at chi enmon-ona mu ha-un.”

⁸Kenalen Jesus kan hiya, “Tomakchugka, araum nan apragmu ya manaranka.”

⁹Hiya at chi ya enmammay nan laraki. Enarana nan apragna ya nanaran. Enommat na as nan Urkiw ay Mun-iblayan,