Juan 20:20-22

²⁰Y conda cꞌapa ojron cocha era e Jesús cay uwirse ucꞌabꞌ y uchejchec tiaꞌ xejcꞌa. Y conda uyajcanuarobꞌ uwirobꞌ tunor era tzayobꞌ meyra porque uwirobꞌ ut Cawinquirar.

²¹Entonces ojron e Jesús otronyajr y che: —Chꞌamic e jiriar. Bꞌan cocha Nitata uyebꞌta tarien, y bꞌan ixto nen war inwebꞌtox ixixin ubꞌan tuaꞌ ichecsu niwojroner tut tunor e gente tara tor e rum, che e Jesús.

²²Y de allí uyujta umusic tamarobꞌ y che: —Chꞌamic Unawalir e Dios.