Josue 19:48-51

⁴⁸Iyan heini menge inged he nepengevilin te tribu ni Dan, he mibahin diyà te kada pemilya zan.

⁴⁹Hein nepasad is kebehina zuen te tanà te menge Israilihanen, mibeǥayan dan si Josue he anak ni Nun, te kandin he vahin.

⁵⁰Midtuman dan is insuǥù te Nengazen, umbe imbeǥey zan kandin is inged he mibuyù din he iyan is Timnat Sera, diyà te vuvungan te Efraim. Mibangun din umana heini he inged ne mid-ubpà sikandin dutun.

⁵¹Is mibahin duen te tanà iyan si Eleazar he memumuhat, si Josue he anak ni Nun, wey is menge pengulu te kada tribu ni Israel. Mibeelan dan heini pinaaǥi te kedripa ziyà te etuvangan te Nengazen diyà te Shilo, duen te ǥemawan te Tulda he Edtelevukaayan, ne nepasad dan en is kebahinbahin duen te tanà.