Joshuwa 19:18-44

¹⁸en deibin gedim ol detlot taun gulum Jesriyel, Kesuloth, Shunam,

¹⁹Hefaraiyim, Shaiyan, Einarath,

²⁰Reibath, Kishiyan, Ibas,

²¹Remeth, Enganim, Enada, Bethpases,

²²Shahasama en Bethshemesh. Deibin gedim ol detlot 16 taun garram ola lilwan taun du weya jidan raidaran langa detlot taun. Det boda nowathsaid langa olabat kantri bin go brom det hil gulum Teibowa raidap langa det Jodan Riba.

²³Wal ola femili brom Isaka klen bin gedim ol detlot taun en ol detlot kantri na.

²⁴Wal ola femili brom Esha klen bin gedim olabat kantri du,

²⁵en deibin gedim detlot sebenbala taun gulum Helkath, Heli, Beten, Ekshaf,

²⁶Elamelek, Amad en Mishal. Deibin gedim najalot taun du. Det boda sangodansaid langa olabat kantri bin go langa det hil gulum Kamul raidap langa det krik gulum Shihowalibnath.

²⁷Det boda sauthsaid langa olabat kantri bin go raidap langa det taun gulum Bedeigan, en brom deya imbin bulurrum det boda blanga det kantri blanga Sebyulan klen raidap langa det pleis gulum Iftahel Beli, en brom deya imbin go nowathwei langa det dubala taun gulum Bethamek en Neiyel, en brom deya imbin kipgon langa detlot najalot taun gulum Kabul,

²⁸Ebran, Reiyob, Heiman en Kana olawei raidap langa det taun gulum Saidan.

²⁹Det boda nowathsaid langa olabat kantri bin go brom det taun gulum Saidan raidap langa det taun gulum Rema olawei langa det taun gulum Taya, en brom deya imbin go langa det taun gulum Hosa raidap langa det solwoda gulum Medatareiniyan. Esha klen bin gedim najalot taun du gulum Mahalab, Eksib,

³⁰Yuma, Afek en Reiyob. Deibin gedim ol detlot 22 taun garram ola lilwan taun du weya jidan raidaran langa detlot taun.

³¹Wal ola femili brom Esha klen bin gedim ol detlot taun en ol detlot kantri na.

³²Wal ola femili brom Neftali klen bin gedim olabat kantri du.

³³Det boda nowathsaid langa olabat kantri bin go brom det taun gulum Helef raidap langa det tri dei gulum ouktri deya gulijap langa det taun gulum Seinanim, en brom deya imbin go langa det taun gulum Edaminakeb raidap langa det dubala taun gulum Jeimniya en Leikam olawei raidap langa det Jodan Riba.

³⁴Det boda sauthsaid langa olabat kantri bin go sangodanwei brom det Jodan Riba raidap langa det taun gulum Esnoteibo. Det boda sangodansaid langa olabat kantri bin go nowathwei brom det taun gulum Esnoteibo, en imbin bulurrum det boda blanga det kantri blanga Sebyulan klen raidap langa det taun gulum Hukak, en brom deya imbin bulurrum det boda blanga det kantri blanga Esha klen. Det boda sanraisaid langa olabat kantri bin bulurrum det Jodan Riba.

³⁵Neftali klen bin gedim ol detlot taun gulum Sidim, Seya, Heimath, Reikath, Kinareth,

³⁶Edama, Rema, Heisowa,

³⁷Kedish, Idrei, Enasowa,

³⁸Yairan, Migdalel, Horam, Bethanath en Bethshemesh. Deibin gedim ol detlot 19 taun garram ola lilwan taun du weya jidan raidaran langa detlot taun.

³⁹Wal ola femili brom Neftali klen bin gedim ol detlot taun en ol detlot kantri na.

⁴⁰Wal ola femili brom klen blanga Den bin gedim olabat kantri du,

⁴¹en deibin gedim ol detlot taun gulum Sora, Eshtayol, Aishamesh,

⁴²Shalbim, Ejalan, Ithala,

⁴³Ilan, Timna, Ekran,

⁴⁴Eltekei, Gibathan, Beilath,