Joshua 19:6-42

⁶Beth Lebaoth, nge Sharuhen: ragag nge dalip e binaw u gubin nib mu’un e yochi binaw nib liyeg e pi binaw ney ngay.

⁷Ma ku arrogon yu Ain, Rimmon, Ether, ngu Ashan: aningeg e binaw u gubin nib mu’un e yochi binaw nib liyeg e pi binaw ney ngay.

⁸Kub mu’un urngin e yuchi binaw ngay nib liyeg e pi binaw ney ni yan nge taw nga Baalath Beer (ara Ramah), ni bay ko yimuch. Irera’ e re gi but’ nni pi’ ngak e pi tabnaw nu lane ganong rok Simeon ni ngar tafned.

⁹Bang ko fa gi binaw nni pi’ ngak Judah e ni pi’ ngak fare ganong rok Simeon ni bochan e kay gi ga’ yang e binaw rok Judah kar gaman gad riy ke aw.

¹⁰Bin dalip e f’oth ko binaw e ni pi’ ngak fapi tabnaw nu lane ganong rok Zebulun. Re gi but’ nni pi’ ngorad e yan nge taw nga Sarid.

¹¹I yan e mathil riy u rom ko ngal nge mada’ nga Mareal, me yan u mirichlen yu Dabbesheth nge alublub ko ngek u Jokneam.

¹²Me yan u rom ko ngek u Sarid ko mathil nu Kisloth Tabor, me yan nga Daberath nge forthog nga talang u Jafia.

¹³Miki yan riy i yan ko ngek nge mada’ nga Gath Hefer ngu Ethkazin, me chiygog nge sor i yan nga Neah ko wo’ ni yan nga Rimmon.

¹⁴Ma mathil u lel’och e chiygog nge sor i yan nga Hannathon, me yan i mus ngalan fare Loway ni Iftahel.

¹⁵Nib mu’un yu Kattath ngay, Nahalal, Shimron, Idalah, nge Bethlehem: ragag nge l’agruw e binaw u gubin nib mu’un e yuchi binaw nib liyeg e pi binaw ney ngay.

¹⁶Pi binaw ney nge yuchi binaw riy e go’ bay u daken fa gi but’ nni pi’ ngak e pi tabnaw nu lane ganong rok Zebulun ni ngar tafned.

¹⁷Ma bin aningeg e f’oth ko binaw e ni pi’ ko fapi tabnaw nu lane ganong rok Issakar.

¹⁸Re gin’em e ba mu’un yu Jezreel ngay, Kesulloth, Shunem,

¹⁹Hafaraim, Shion, Anaharath,

²⁰Rabbith, Kishion, Ebez,

²¹Remeth, Engannim, Enhaddah, nge Bethpazzez.

²²Ma mathil riy e kub peth nga Tabor, Shahazumah, nge Beth Shemesh, me yan i mus ko Jordan. Ragag nge nel’ u gubin e binaw nib mu’un e yuchi binaw nib liyeg e pi binaw ney ngay.

²³Pi binaw ney nge pi yuchi binaw riy e go’ bay u daken fa gi but’ nni pi’ ngak e pi tabnaw nu lane ganong rok Issakar ni ngar tafned.

²⁴Ma bin lal e f’oth ko binaw e ni pi’ ngak fapi tabnaw nu lane ganong rok Asher.

²⁵Re gi but’ nem e ba mu’un yu Helkath, Hali, Beten, Akshaf,

²⁶Allam Melek, Amad, nge Mishal ngay. Ma ngal riy e ba peth e mathil riy nga Karmel nge Shihor Libnath.

²⁷Ma nap’an ni cheal ko ngek, me yan e mathil riy nga Bethdagon, nib peth nga Zebulun nge fare Loway ni Iftahel ni bay ko wo’ nga lel’och ni sor nga Bethemek nge Neyel. Miki yan u rom nga lel’och nga Kabul,

²⁸Ebron, Rehob, Hammon, nge Kanah, me yan nge taw nga Sidon.

²⁹Me cheal fare mathil nge sor nga Ramah, nge yan i taw ko fare binaw ni Tyre ni kan yororiy nib tolang ni fan ko mael; ma aram me chiygog nga Hosah me yan i mus ko fare gi Day ni Mediterranean fithingan. Nib mu’un ngay yu Mahalab, Akzib,

³⁰Ummah, Afek, nge Rehob: reliw’ nge l’agruw e binaw u gubin nib mu’un e yuchi binaw nib liyeg pi binaw ney ngay.

³¹Pi binaw ney nge yuchi binaw nib mu’un ngorad e go’ bay u daken fa gi but’ ni kan pi’ ngak e pi tabnaw nu lan fare ganong rok Asher ni ngar tafned.

³²Ma bin nel’ e f’oth ko binaw e ni pi’ ko fapi tabnaw nu lane ganong rok Naftali.

³³Mathil riy e yan u Helef nge taw ko fare ke gek’iy ni oak u Zaanannim, me yan u rom nga Adaminekeb me yan riy nga Jamnia, me yan nge taw nga Lakkum, me yan i mus ko Jordan.

³⁴Me chiygog ko ngal nge yan nga Aznoth Tabor, me yan u rom nga Hukkok, nge yan i peth nga Zebulun ko yimuch, nge Asher ko ngal, nge Jordan ko ngek.

³⁵Pi binaw ni kan yororiy ni fan ko mael e yu Ziddim, Zer, Hammath, Rakkath, Kinnereth,

³⁶Adamah, Ramah, Hazor,

³⁷Kedesh, Edrei, Enhazor,

³⁸Yiron, Migdalel, Horem, Bethanath, nge Beth Shemesh: ragag nge mereb e binaw u gubin nib mu’un e yochi binaw nib liyeg e pi binaw ney ngay.

³⁹Pi binaw ney nge yuchi binaw nib mu’un ngorad e go’ bay u daken fa gi but’ ni kan pi’ ngak e pi tabnaw nu lan fare ganong rok Naftali.

⁴⁰Ma bin medlip e f’oth ko binaw e ni pi’ ko fapi tabnaw ko ganong rok Dan.

⁴¹Re gin’em e ba mu’un yu Zorah ngay, ngu Eshtaol, Irshemesh,

⁴²Shaalbim, Aijalon, Ithlah,