Jon 4:1-5

¹Baiv aa de ama Parasiqena ra narli ai ma Iesus ke qukmes te ama qaqet i buup na ra be ra tit naser a qa. Dap ma Jon dai quasiq ai buup ne iari ra tit naser a qa. Dap ma Iesus dai maikka quasiq ai qe qukmes te ama qaqet, dap katikka aa risura te ukmes tem ta. De ma Iesus dai sa qat drlem ai ama Parasiqena ta narli be ra taqen se qa se liina.

³Taqurla de ma Iesus ka mit navet ma Judia be qa guirl iviit savet ma Galili.

⁴Baip ma Iesus ka tit savet ma Galili dai qa serltik pet ma Samaria.

⁵Be qa tit, be sagelna ne ma Saikka, i ama Samariaqena araa luqupki, de qa mugun gel ma Jekop aa ngerliqi ama menpitki. I qa mugun i maikka serlek na qa naver ama aiska. I luqia ama luqupki, dai gelna ne ama aiverem i ma Jekop ka qurl aa uimka ma Josep tem bem. I maikka aa ver ama rlaunka be maikka ama nirlaqa qes nis maden.