Jon 12:41-46

⁴¹O Aisaia i watungi lenri uni i sa tama mugu a minamar anun o Iesu, ra i wasiso uni.

⁴²A susut na taro det nurnur un o Iesu. A ramano kum mugumugu kai tagun a taro Juda det nurnur, ikut ka det wasiso puaso uni, sako a kum Parisi det in turbat ru det gusun a kum rumu na lotu.

⁴³Ka det wasiso talapor, uni det nemi kut a wasiso na ululabo anun a taro torom det, ma ka det nuk pas a wasiso na ululabo anun o God torom det.

⁴⁴O Iesu i wasiso namin labino walngano lena, “I ra i nurnur un iau, awu sur i nurnur kut un iau, i nurnur utkai un i ra i tulu ru iau urin.

⁴⁵Ma i ra i tama iau, i sa tama tar i ra i tulu ru iau urin.

⁴⁶A sa wanpat urin una rakrakon bual elar nama talapor, sur osi ra i nurnur un iau, ken kis una dumirum.