21Jhesus seith to hir, Womman, bileue thou to me, for the our schal come, whanne nether in this hil, nethir in Jerusalem, ye schulen worschipe the fadir.
22Ye worschipen that ye knowen not; we worschipen that that we knowen; for helthe is of the Jewis.
23But the tyme is comun, and now it is, whanne trewe worschiperis schulen worschipe the fadir in spirit and treuthe; for also the fadir sekith suche, that worschipen hym.
24God is a spirit, and it bihoueth hem that worschipen hym, to worschipe in spirit and treuthe.
25The womman seith to hym, Y woot that Messias is comun, that is seid Crist; therfor whanne he cometh, he schal telle vs alle thingis.
26Jhesus seith to hir, Y am he, that spekith with thee.
John 4
John 4:21-26