21Jaun₂ ca₂ŋag₃ Jesús: ―Juɨ₁le₂'éng'₂ bá₄ a₂juá'₅ jniá₂: já₅ caun₂ jmɨg₄ a₂jme₁juɨn'₂ 'nia'₂ Diú₄, on₃jua'₅₄ i₁nóg'₅ má'₂ la₂, on₃ guë'₂ o₁nó'₅ 'nia'₂ Jerusalén.
22'Nia'₂ jme₂juɨ́ng'₁ të₃ tsá₃ ŋi'₅₄ 'ein₂ jme₂juɨ́ng'₁; a₂dsau₅ bá₄ jnia'₅₄, ne₄ jnia'₅₄ 'éin₂ i₂jme₂juɨ́n'₂; ia₁ të₂le₃ quió'₅ dsa₂ judíos bá₄ já₅ jág₁ a₂lión₂ dsa₂.
23La₁ já₅ hora, ton'₂ ma₂të́₂ dsón'₂, a₂jme₃juɨn'₂ dsa₂ Jmei₂, juɨ₁lia'₂ dsa₂ i₂jme₂juag'₂ të₃dsón'₂, jme₃juag'₂ të₂le₃ gu₂dsí₂ ton'₂ të₂le₃ quian'₅₄ jág₁ dsau₅. Ia₁ i₂le₂'éi₂ bá₄ 'na'₂ Jmei₂ jme₃juag'₂.
24A₂lɨ́n₅ Diú₄ jme₂dsí₂; jaun₂ juɨ₁lia'₂ i₂jme₂juag'₂, ca₂tɨ́in₂ jme₃juag'₂ të₂le₃ gu₂dsí₂ ton'₂ të₂le₃ quian'₅₄ jág₁ dsau₅.
25Jaun₂ ca₂juá'₂ 'io₅₄: ―Guion₄ jniá₂ a₂jiá₃ Mesías, (i₂të́'₂ dsa₂ I₂rë₂'ɨ́n₁ quián₅ Diú₄). Jë₁ma₂guain₂₃, jaun₂ guë́₄ juá'₂ ca₂le₃jë́₃ lia'₂ rë₂jiá₃.
26Jaun₂ ca₂juá'₂ Jesús: ―Jniá₂ bá₄ 'éi₂, i₂dsia₅ jág₁ quian'₅₄ 'ne₂.
SAN JUAN 4
SAN JUAN 4:21-26