21ये़सुरे़ नोगप् पिरु, “आल्ल सुये़म्मिन् तार पत्लो लॽरिक् इङ्गाॽ मे़त्ने़बा पाःन्निन्नसाःन् चोगे़ॽओ॥ खे़न् ये़म्मो पानुदिङ् पाः निङ्वाॽफुमाङ्ङिन् सेवा चोःक्से़ खिनिॽ कन् कोःक्माओ इग्र यरुसले़म्मो, आत्तोआङ् के़म्बेगिन्लो॥
22खिनिॽ सामरिहाॽरे़ कुसिङ् के़न्निःत्तुम्मिन् हाबा खे़न् सेवा के़जोगुम्, कर आनिगे़ यहुदिहाॽरे़ कुसिङ्निःत्तुम्बे़बान् सेवा चोगुम्बे़ॽ, थेआङ्भे़ल्ले़ यहुदिहाॽलाम्मे से़न्लप्पिन् ताःरो॥
23कर पानुदिङ् पाः निङ्वाॽफुमाङ्ङिन् से़क्खा नु सेसेमाङ्लाम् सेवा चोःक्मा ये़म्मिन् तार पत्॥ हे़क्क्याङ् खे़न् ये़म्मिन् आल्लोसा त्ये़ चुरे़आङ् वाॽरो॥ हे़क्तङ्बा कुजे़क् सेवा के़जोःक्पाहाॽ पानुदिङ् पाः निङ्वाॽफुमाङ्ङिल्ले़ कोःत्तुसिॽरो॥
24निङ्वाॽफुमाङ्ङिङ्ग याम्साम्लो हे़क्क्याङ् खुने़ॽ सेवा के़जोःक्पाहाॽरे़ग से़क्खाःल्ले़ सेसेमाङ्लाम् सेवा चोःक्मा पोःङ्लो॥”
25खे़न् मे़न्छुमाॽइल्ले़ मे़त्तु, “मसिहःन् ताः फाॽआङ् इङ्गाॽ निःसुङ्लो, (खुने़ॽए ख्रिस्त मे़मे़त्तुॽरो) खुने़ॽ ताःल्ले़ कन् काक् पाःन्हाॽ याप्मि पोधक् चोगु पिरिगे़रो॥”
26ये़सुरे़ खे़न् नोगप् पिरु, “खे़ने़ॽनु ताॽके़जे़ङ्बान्ने खुने़ॽरो॥”