Johannes 21:9-13

⁹Lupwen ra tiwelong wilifanü, ra küna eu ekkei mi kü, a wor ik won, pwal ekoch pilawa.

¹⁰Jesus a üreniir, “Oupwe uwato ekoch liapemi kewe ik.”

¹¹Simon Petrus a tötä won ewe wa, a atekinalong ewe chew mi ur ren ik mi watte o a ürätä lepi. Ükükün liaper ipükü lime me ülüman. Iei mwo ükükün chomongun ekewe ik, nge ewe chew esap kam.

¹²Iwe, Jesus a üreniir, “Ou etto, oupwe le mongön lesosor.” Esap wor eman me lein ekewe chon kaiö a tongeni ais, “En iö?” pun ra silei pwe i ewe Samol.

¹³Mürin Jesus a kaneto, a angei ewe pilawa o ineti ngeniir, pwal ina chök usun mine a föri ngeni ekewe ik.