Juan 21:9-13

⁹Incha nømbe pirau pinaambabe, kan trøsr nag pasrai ashibelø køn, tru palabe peskauba, pirrimba warig.

¹⁰Inchen Jesúsbe trenchibig køn: —Mamdø tru ñim møi wesruim peskaumeran srua amrruy— cha.

¹¹Inchen Simón Pedrobe barcoyu nebya, atarrayan nørrø peskaumeratø ciento cincuenta y tres netsiig tøgaigwan pi mendagatig keetab srua ibig køn. Inchen maya nu kuingucha, atarrayabe kølsrømíig køn.

¹²Inchene Jesúsbe nømun trenchibig køn: —Manrrab amrruy— cha. Inchen møikkucha kusrenanøb pera uniiløbe: “¿Ñibe mu kugu?” cha payamig kørig kui inchibelø køn, kaguende nømbe Señor kui asha kua.

¹³Inchene Jesúsbe kemalla, pirriwan nui tasku srua pasramisrabe, nømun srørrøbig køn, katø peskauwan chigucha.