9Che bidzujṉreni ro' nisdoo, bahuiireni re' guiboo, ro'c dzuub te bäjl näjza yätxtiil cague'.
10Dxejcti räjp Jesús lojreni: ―Coḻtanä gaii bäjl nani entis gunaaztu.
11Dxejcti huij Simón Pedr, gulääni guijxhga, guidxani bälro. Guyu' si'cti te gayuu garol con choṉ bäjl neṉ guijxhga, niluxh dini niräsya' mase guyu' xhidalduxh bäjl neṉni.
12Dxejcti räjp Jesús lojreni: ―Coḻtaa te gauxharejntu. Nicla tej rexpejṉpacni dini niabdiidx lojni: “¿Chu luj?” sa'csi anajnreni laa Jesúsni.
13Dxejcti cua' Jesús yätxtiil, badeedni lojreni, sigajcza rebäjl.