João 12:13-17

¹³Toenzepa myani iomarumo, saindyly tiuntuduomo. Wakuri sary nhatâwâdylymo; xidadâ odaypa egaselymo, tuomare kehoem Jesus iose. — Hosana Deusram! — kelymo. (“Tohoguezeim Deus” keze aguely.) Tohoguezeim kuru awâkâ Deus eon-honru enehonze âeni! Koendâ lelâ ise Deus israelita domodo iwymâryem ini agâ — kely kurâ domodo.

¹⁴Aituo Jesus jumentinhu nhawâdyly. Nhonwa âkuly. Iwâgâ idâly. Deus itaumbyry iweniby agueho ara aidyly:

¹⁵“Âmaemo Jerusalém donro modo tyanepa itaungâ. Etaungâ. Âwymârymo saindyly. Pymâ ton-honreim kawaru wâgâ sainto ara inkâba ise âewyly; jumentinhu wâgâ ise saindyly!” kely myakâwândy iweniby.

¹⁶Jesus agâ tatay tâense, tydase warâ ani xina awârâ modo aidyly; âdakeze aguely awyly xina nutuba olâ. Igueypyem, Jesus kurâem itombygueduo, Deus eydâ atoam odopâduo warâ lelâlâ ani xina nhenanâguely, aise Deus kehobyry ara aituo.

¹⁷Toenzepa kurâdo Jesus iose idâwâdylymo, xidadâ odaxi sainse idâly ume. Awârâ iraynâ, Lázaro igueypyem awyly ume kurâem nietondâ kely idamâmomy. “Lázaro, awâtârâba igasegâ” keduo aitobyry egatuly nimopamo myani enipyry modo.