13elü marañ bareehapuh bat sat het pi emoohan epat haoh, “Epopuz homet biñ haovai sohok. Met pi Godiz abat ahovonañ emamahaek tin metohopan. Met pi dari Israel añaraboz ahop ravat hez-epop Godihö tin metohopan.”
14Pot Iesuz biñ ravat haohan Iesu donki ro napuz revah toutat batam Baiñetinavoz Tepatak epat menahan hezat pi tovai emooh,
15Met Saion zeitakari ari ñaihet totunei. Met arim ahop pi donki ropuz revah toutat arihaz ok emamahag, etei.
16Met batam menahan hez-pot Iesu tahan pim mañairooh-abanari pim tah-povoz kapotaz hodad narav, oñ am unun heh. Met tokat Iesu ñomahaekanañ maot baval hahan birirï ravat abat ahovonañ ravah-porahahoh paru epat homeh, Rotap Baiñetinavoz Tepatak darim ahopuz tapanez menahan hezat Iesu tahan eteg.
17Met Lasarus ñomahan bavizahan hehaek Iesu baval hahan eteh-añarab pori ñetï pov haovai soohan añarab ahovokaro hateveteh, povozahoh paru, “Iesu nonoroh emamah,” pot hahan hatevetet sat Iesu emoohaek bavizah.
Zon 12
Zon 12:13-17