13Pomalam te choloua akau perperna mur pe tela ke tei ele i. Pe alngaria ke te teke, “Ta heto heke NeHalang! NeHalang pete i nenge at nga Non Soke ene! NeHalang pete Israel mur aria Naungaala ana non!”
14Iok laol, Iesus hottaua tongki heueu ngana e pe are haka ia ke pomanga NeHalang nena alalaha hele ngana nenge hele ke teke,
15“Imo hehei pe hana nenge Ierusalem, a matau ero ol! Anau la, amo naungaala ana non kou are haka nga tongki tuna ke atat.”
16Ure nemur te lohotot pe Iesus nena hana mur leteria mallaha ero toto nga luria. Pe nga etue nenge NeHalang hemalmalia Iesus ke het ol, leteria metene sapele ke helenga nemur nenge te tetu nga NeHalang nena alalaha, helele ia Iesus nge te poia poinga nei lala nge i.
17Iok laol, hulua nemur nenge temes pe Iesus iu hote Lasarus nga polo pe hemaul heke mule i nga metenga, te hekerkereng ia hehei pe hana leteria nga ume nemur nenge Iesus popoia.
Ioanes 12
Ioanes 12:13-17