Jadjis 5:20-23

²⁰Bat dei nomo bin bidim detlot Isreil pipul, dumaji YAWEI bin meigim ola sta langa top fait langa detlot boswan solja neim Sisera, en ola sta bin fait blanga ola Isreil pipul,

²¹en YAWEI bin meigim det Kishan Riba meigim miselp fladwoda, en det fladwoda bin tjakidawei ola solja blanga Sisera. YAWEI bin bekimap minbala, en minbala bin filim miselp mowa strongbala,

²²en afta ola hosis blanga ola solja blanga Sisera bin ranawei, en deibin meigim det graun sheik, dumaji deibin galap detmatj.

²³Det einjul blanga YAWEI bin tok, ‘Ai garra panishim detlot pipul hu jidan langa det taun gulum Meras, dumaji dei nomo bin album mi. Dei nomo bin meigim miselp solja blanga fait garram mi.’ Lagijat na det einjul blanga YAWEI bin tok.