Iwata Ari 15:14-17

¹⁴Simon mi kaenamonde karigesira, God nongo nongo edo tuturoda yai nei embomainda yai etega edo awamaneda doda ainda embomai topobé bain esisina awa.

¹⁵Edo peroveta maneda ge berari ami awara eira, edo daedo ge engo matu gaiedo tari isira:

¹⁶‘Einda amboda, na tenda egenembedo, David da bowa dudurisina awa tekago gamana. Ainda durudo usibesibé arida awa ano dave ari, tekago jiano eraina.

¹⁷Ango edo embo nenei berarimi na, BADARI awa,​ ​gain edo gara, yai nei embomai berari daedo, avekave nanemi nato topobé orote dao sitena. Na, BADARI ami, buro berari engo edo ena,​ ​awatedo ge eiwa tena.’”