Dehet deng Aan in Nutus sas 15:14-17

¹⁴Kaka Petrus halas-sam nahdeh hidi kit noan, Ama Lamtua Allah nikit atuli-atuil man Yahudi lo kas, le halin oen tamas daid Lamtua Yesus atulin son.

¹⁵Na tom nol asa man Ama Lamtua mee-baha las in tek meman son, deng lolo hmunan nua ka. Ta oen dul noan:

¹⁶‘Tom nol un oras sa lam, Auk pait maang. Undeng Auk le bangun pait laih Daud in prenta ka. Ta Auk le tao un in hua-koet man sisakes hidi son nas, le daid kuat pait.

¹⁷Nini ela, atuli-atuil deng bangsa didang ngas kon, maas nuting le tutnaal nol Au. Undeng Auk huil nal oen kon son, le daid Auk atulin. Ama Lamtua Allah esa tek ela son, deng lolo hmunan nua!’