ISAIA 1:6-10

⁶Ae lalona amo ela bona kwara asi namona ta; a rara aru-kubou bona toto, bona e raramu berodia; rara se hadodoa, bero se kumidia, bona dehoro amo se haḡavedia.

⁷Emui tano vada e vahu, emui hanua na lahi ese e aradia; umui vaira-tuhutuhumui ai idau taudia ese emui tano anidia vada e ha-oredia ia na vada e ḡaḡae, idau taudia ese vada e havahuraia.

⁸Siona natuna hahinena na e nohomu, kalaga vine imeana lalonai na heto, rumaruma kiukamba umana ai na heto, e koua heḡeḡe hanuana na heto.

⁹Iehova Saboata ese kwabukwabuda basinema hamaurida, ita na Sodoma heḡereḡerena ai baitama noho, bona Gomora heḡereḡerena ai baitama hahelao.

¹⁰Sodoma lohiamui e, Iehova ena hereva a kamonai! Gomora taumui e, eda Dirava ena hahediba herevadia a hakala heni!