ISAIA 1:1-10

¹Isaia, Amoso natuna, ena mata-hanai, Iuda bona Ierusalem daidiai e e itaia, Iuda pavapavadia Usia bona Iotam bona Ahasa bona Hesekia edia nega ai.

²Guba e, a kamonai! Tanobada e, a hakala! Badina be Iehova vada e hereva, eto: Natugu vada na reḡudia bona na hadibadibadia, to idia ese vada e daḡedaḡe henigu.

³Boromakau maruanena na biaguna dibana, bona doniki na biaguna ese ana e atoa patana dibana; a Israel na asi dibana, egu bese taudia na lalodia asie pararamu.

⁴Kara dika besena o! Kara havara ese e hametaudiamu taudia, kara dika taudia natudia, kara koikoi e karamu memerodia. Idia ese Iehova vada e rakatania, Israel ena Helaḡa Diravana e dadaraia, ena amo vada e raka oho vaitani.

⁵Dahuka dainai mata-hakani doini o vaveamu, bena o daḡedaḡe louloumu? Kwara idoinai e hisihisimu; kudou idoinai e hetahamu.

⁶Ae lalona amo ela bona kwara asi namona ta; a rara aru-kubou bona toto, bona e raramu berodia; rara se hadodoa, bero se kumidia, bona dehoro amo se haḡavedia.

⁷Emui tano vada e vahu, emui hanua na lahi ese e aradia; umui vaira-tuhutuhumui ai idau taudia ese emui tano anidia vada e ha-oredia ia na vada e ḡaḡae, idau taudia ese vada e havahuraia.

⁸Siona natuna hahinena na e nohomu, kalaga vine imeana lalonai na heto, rumaruma kiukamba umana ai na heto, e koua heḡeḡe hanuana na heto.

⁹Iehova Saboata ese kwabukwabuda basinema hamaurida, ita na Sodoma heḡereḡerena ai baitama noho, bona Gomora heḡereḡerena ai baitama hahelao.

¹⁰Sodoma lohiamui e, Iehova ena hereva a kamonai! Gomora taumui e, eda Dirava ena hahediba herevadia a hakala heni!