Isáysa 1:23-30

²³Siy kurakaris na wits nda mazinaksin, washchirpat tputsi kis amikurtakanaya. Kurikingazim chinaksin, tputsee nda itsinsaru chinakanaya. Maachtangazimari támaraksin, mantsir chinakanaya. Mxaxzee nda nayaniksin, Mashindootstam nduntam pakchiyam istakanaya.

²⁴Yuwamand siy Utaáchchis yutarit taakis anumand, Apanll Taarashipan, yuw wamari kasiru an atiya. ¡Wapparita! Na siyaa kundartaranguri, wanichintspa, Yuwaa tumashtakis anoo tuwapamaama.

²⁵Nuw kuwipti wizpurirpati, siyaa wanichima. Chkazeetspaz ashiru izuuru kapeetchintspa. Yutaritshishireetsis ashparit kachingchima.

²⁶Ashkachuri, yusur shiyashuchsha yasampan tputsee tatsamooru chinachinllinaya. Kuraksha wipunash yusur wanasir kamanchinllinaya. Amb ashkachuri, tputssha siyaa wanasir ínachinllinaya. Siyaa Irusarinshucheetsis, Yakat itsinsampancha; apanllpancha, siyaa táchinllinaya.

²⁷Nuw siyaa itsinsari yasayaruri, tapachindakchuri, siysa yusur kis taatssa. Siy Siyonshuchis, yusur nuwash kis tachitatssa.

²⁸Itaru, yutaritshishpan tputs nuwaa nda chinaku, nuwsha anoo tputs toro, toro sheeruri kapeetchima. Nuwaa kuki kapeetkusin, zurampatari tsipachinllinaya.

²⁹Ashirucha, nuw siyaa atashina: Siy apanllputseem zapan kis nashamangamaam chapoom yanungarangsa. Anush kis apanllputsee ungirtarangsa. Itaru, anumand kapung pazichpasa.

³⁰Pazikchus, tatsumimpaz ashirus mawirutssa. Kung ndunpaz ashirus puzataraa ashitssa.