Ihi 26:5-10

⁵Qora kaiqa varareka ruvaaqumavi variaka, kia ti muntukavano vikara vairave. Te qora kaiqa vare variakaqaahai niaraini vaunarave.

⁶Noravauvo, kia tiqaa uva vaimantara ti, tenta kauqu ˻ai avuqaa˼ hiqamake, ai ofaa tainta virante airante ututiha, ai autu tuahere vauro.

⁷Te mintimake ihi tivaqi viha ariara koqemave tivakeha are nora kaiqa, vo kaiqa vo kaiqa varaanara vaiinti nahenti tiva nimi vauro.

⁸Noravauvo, are variana Naavura, virara ti muntukavano vaimantama vauro. Vi Naavuraqi ai mpeqa okaravano takuqiro vaivara variaro.

⁹Mpo, are qora kaiqa vare variaka vehi autu keharama, kia tivata vehi autu kaane. Are nái kena vaiinti arukekaqaa uva vateharama, kia tiqaa uva vataane.

¹⁰Vi vaiintika voqamake qora kaiqa vare variakara ti, vika qutaru monu varerara iriha vaakama vaiinti arukevara.