Ihi 139:19-24

¹⁹Mpo Kotio, are qora kaiqa vare variaka aru taiqa kairaqe, te hove tiataara. Ne vaiinti aruke variaka, ne tiqaahai qaqirake niaraini vuaterama turo.

²⁰Kotio, vi vaiintika ariara qora uva ti variakave. Vika ai navutaiqiha ai autu koqera qoraiqamake variavo.

²¹Noravauvo, ariara kia antuqa ari vaiintika ti kia vikara hantuqa harivo. Ai navutaiqi variaka kia vikara ti muntukavano vaivo.

²²Quqaa tarurama turo. Ti muntukavano kia vi vaiintikara vaivo. Te vi vaiintikara ti navutaakama variavo ti vaunara.

²³Kotio, uqautama kera tuanti taantima kera ti avu aato muntukaqi vainara tavaane. Te nana nana haikara avu aato utuainara avatama kera tavaane.

²⁴Ti avu aatoqi qora uva vovano variantorave tira, viraqi rantakera tavaane. Are koqe aaraqaa ti tivita kera vatairaqe te ekaa enta qaqi variqi vuare.