Iba Gana 139:19-24

¹⁹Ngode Datagaliwabe-o wali agali mini kowi bu karuore homelo bowaore ha nabira lalu kogoni. Wali agali bame irane nawini bo wahama ibaga biaga karu ti baba i̱ mandagi habe mangabago tiore erebaha nabira lalu kogoni.

²⁰Ko biaga uruni tigua í̠ lalu bi ko laga bialu í̠naga mini mo ko hole lalu lo guraga bialu ka.

²¹Anduane Homogo-o í̠ handabe manga haga karu i̱na uruniore handabe manga ho ko. Í̠hondo waitigi ho karu i̱na ti mo yo hondowa de handape ho kogoni.

²²I̱na ti handabe manga timbuniore ho ko. Ti i̱ waitigi ka lo kogoni.

²³Ngode Datagaliwabe-o í̠na i̱naga bu habanehabi minihabi hai bialu ko mbira ngabe hondole mitangihabi tayabume halu manda bibe.

²⁴Í̠na ani taya bialu mana ko mbira i̱ha au ngabe handalu í̠naga haabo holene harigani puabo holiya i̱ haru habe.