Iba Gana 55:14-17

¹⁴Bamba iyane haru mandagi ibagabu halu te bayaleru lalu wali agali maru heba Ngode Datagaliwabenaga anda biago heagoria mandagi haribagoni ndobe.

¹⁵I̱naga waitigi bu karunaga minihabi ti andagahabi mana ko dewaore wu to̱leda. Ti homolene tu ndo wene kaore abale homalu homene dininiru pu hagagoha piai helo hamelo kogoni.

¹⁶I̱na Anduane Homogo i̱ninaga Ngode Datagaliwabehanda biamogo bilonaga olalu haabo kogoni. Ibugua i̱ pele ngialu mo wulebira.

¹⁷Gendame i̱ bo hengedalu haabo kagonaga i̱na egerebagi horombe mbiragabi ibuhondo dugu bu mialu haabo haruli. I̱na bi larogola ibugua hale holebira.