Iba Gana 38:10-13

¹⁰I̱naga bu hongo howa ala duguaga bialu i̱naga hongo pirilape ka. I̱naga de aruma hai kagome mbirale mbira handabe naheore kogoni ndobe.

¹¹I̱ tinginini dere ko ngubi bidarume i̱naga damene nenegeru i̱ni kogoria ibua nahaya. I̱ one waneiginirubi ti kaundianiore haruruni ndobe.

¹²I̱naga waitigi bu karume i̱ gonoha delonaga gono wu kagoni ndobe. Agali i̱ mo ko halu bole karume i̱ bo wahami̱ya laga bialu ka. Horo bibahendengi tigua i̱hondo mana ko hangu bulene manda bialu haga kagoni.

¹³I̱ hale tuluhe ale howa tigua bi lararu hale habe nahe ko. I̱naga bi ndibulo wahene ale howa ne hariga ha̱ lalu bi labe nahe ko.