7Anduane Homogonaga mini yaraga halu ibuhondo iba ganaru lolene nga. Inanaga Ngode Datagaliwabehondo ngida ale balu bi bayale mo bila howa bayale bolene nga.
8Ibugua hari daligaha beraliba helame haga. Iba dalu dindini ibilaragola hari bare bare ngaruha datani bayale anda helaga biaga ka.
9Ibugua ema bialu piaga karubi bedarubi tomo nelo mialu ega igini bedarume tomo noa halu bi laragola hale howa ibugua ti tomo nelo mia dege biaga ka.