Iba Gana 119:46-49

⁴⁶I̱na í̠naga mana lamulene nga lariruni kini bu karu lamule i̱ taga nahe howa lamulebero.

⁴⁷I̱na í̠naga bi mana lowini ngego hame timbuni lo howa talialu buaore ho kogoni.

⁴⁸Í̠naga bi mana uruni bayaleoreda lo manda bu howa i̱na hame timbuni lo kogoni. I̱na bi mana debene tigabi uruni bia laridagua bialu haabo holebero.

⁴⁹Bamba í̠nime ogoaleore bule lalu í̠ninaga biabe biahaga i̱hondo lo wirigo mitangi bibe. Í̠na ogoni biaore buleberedalo manda buwa i̱ mini dunubia ho kogoni.