Hwan 9:36-40

³⁶“A inya hud yen, Ser? Ibar mu haen teyak, petta kurugan ku hapa,” kunna.

³⁷“A naitam na haman, a maski intun ya makiuhohugan teko,” kun ni Hesus tentu.

³⁸“Ay, mangurugak mantu, Afu,” kunna, kapye na namalentud hapa ta atubang ni Hesus nga nangdayaw tentu.

³⁹A ya pasikkal ni Hesus ta iningwa na en ta nagdaramen a “Yen ta umange yak ta paglelehutin, petta melasin ya mangurug ikid na awan mangurug gafu teyak, pettam kumanen a makaita ya nagdaram kiden, ikid na magdaram ya makaita,” kunna.

⁴⁰A gafu ta nedangagan da hapa na kadwan kiden Pariseyu a “Anu hud ya ikayat mu uhohugan? Ikami de hapa ya kuman na nagdaram?” kunda te Hesus.