Hechos 3:8-14

⁸Y rachi xchꞌoplin chikaj, xtakꞌiꞌik y xujeqo kabꞌinik. Junam kꞌut kukꞌ ri Pedro y ri Juan, xok bꞌi pa ri Rocho Dios, kabꞌinik, kachꞌoplanik y kuyak uqꞌij ri Dios.

⁹Konoje kꞌu ri winaq re ri tinamit xkilo rachi kabꞌinik y lik kuyak uqꞌij ri Dios.

¹⁰Y xketaꞌmaj e achi katzꞌuyiꞌik y kutzꞌonoj ulimoxna chwach ri Rocho Dios pa ri okibꞌal kabꞌiꞌx che “Lik Chom”. Lik kꞌu xkam kanimaꞌ che ri xꞌaniꞌ che rachi y na xkimaj ta kꞌana usukꞌ chaꞌtaj xkunutajik.

¹¹Rachi xkunutajik na karesaj ta chi ribꞌ chikij ri Pedro y ri Juan. Yey konoje ri winaq kaminaq kanimaꞌ che, xemok kaꞌn pa ri luwar kabꞌiꞌx che “Ruchiꞌ Ja re Salomón”.

¹²Ekꞌuchiriꞌ xril waꞌ ri Pedro, xubꞌiꞌij chike ri tinamit: «Achijabꞌ alaq aj Israel, ¿suꞌchak lik kaminaq animaꞌ alaq che wa xil alaq? ¿Yey suꞌchak e kojtzutzaꞌ alaq riꞌoj pachaꞌ oj ri xojbꞌinisan re waꞌchi rukꞌ ri qachuqꞌabꞌ o ruma lik oj jusukꞌ riꞌoj chwach ri Dios? Na e ta riꞌ.

¹³Ma e ri Dios ke ri qamam ojertan, waꞌ e ri Abraham, ri Isaac y ri Jacob, ekꞌu Rire ri lik xuyak uqꞌij ri Jesús ri Raj Chak Rire. Noꞌj ralaq xya alaq ri Jesús puqꞌabꞌ ri Pilato. Y na xew ta laꞌ, ma xkꞌaq bꞌi alaq uqꞌij chwach ri Pilato y na xya ta alaq luwar che rire kuyolopij bꞌi ri Jesús echiriꞌ xraj kuyolopij bꞌi ruma na jinta mak xuriq che.

¹⁴Ekꞌu riꞌ ralaq na xꞌaj ta alaq kayolopix bꞌi waꞌ wa Jun lik nim uqꞌij Santo y Jusukꞌ; ma e xtzꞌonoj alaq kayolopix bꞌi ri jun kamisanel.