47Tleca ijcon otechualtitlaniloc in Totecohtzin huan omihto: Nimitztlalihtoc quen tlanextli ic maquinehnehuilican in aquin ahmo judeahtecos. Maticualicacan in tlamaquixtilistli ic nohuiyan ipan in tlalticpactli.
48Ic oquicajque in tlacamen aquin ahmo judeahtecos, opajque huan opeuque quihtohuahque cualtzin itlahtoltzin Totecohtzin. Huan oquineltocaque nochin yehhuan in aquin tlatlalili den Dios macahsican in nemilistli nochipa.
49Huan ijcon omochayau in itlahtoltzin Totecohtzin ic nohuiyan ipan inon altepemen.
50Huan oquinyolchicauque in judeahtecos inon sihuamen molui tlaneltocanimen de yehhuan huan aquin hueyi inquisca, maquinmohsihuican in Pablo huan Bernabé. Huan ic inon oquintotocaque ipan inon altepemen.
51Huan in Pablo huan Bernabé omoxotzehtzelohque ica in teutli ic maquichihuacan cuenta ica intlahtlacol inon tlacamen, huan oyahque ipan in altepetl Iconio.
52Huan in tlaneltocanimen molui oyolpajque ica in Itiotonaltzin Dios.