Dad Nimò 13:47-52

⁴⁷Du ani dek i Amu di gami, manan, ‘Nimòta ge salò di dad to ise Dyu, du fye fagu di ge gafat i kagalwà di dad to di klamang banwe.’ ”

⁴⁸Na kanto lminge i dad to ise Dyu, too ale lehew. Na i kdee dad to ta mgalék Dwata banlé nawa landè sen, ta mbaling ale ftoo di ku Dyisas.

⁴⁹Na too mbel i Tnalù Dwata di kabal i banwe ayé.

⁵⁰Bay i dad Dyu là ftoo di ku Dyisas, banlétla i dad ganlal, na i dad libun ise Dyu gal mangamfù di Dwata. Na falnayamla ale Pol na Barnabas, na dalugla ale lamwà di banwe ayé.

⁵¹Na yé duenam man, kanto mdà ale Pol na Barnabas, kakesla i kfung di blìla du yé ilè dun di dad to ayé na dale tmimel i sasè nimòla di Dwata. Na ta fles ale Pol gatù di Ikonyum.

⁵²Na i dad to ftoo di ku Dyisas di Antyuk, too ale lehew, na fnò ale i Mtiu Tulus.