Godigo Nogi Ugwaba Sabo Tęąbi Po Wabo Buku Dabe 91:11-16

¹¹Te Genuai Bidigo aga ensel dabeba te nage menaba pabo madi tigidali badu te nage tonalubo sę mawaibao.

¹²Tama te ensel dabego nogogo nage tolalu, tama tiyu, te masigigo nago sągąde me dologobeo.

¹³Te nago laion me hasamani agayu, tama te gesi ogwa bidi laion, me genuai hasamani dwai mu me agayu, yaibao.

¹⁴Godigo te tama po wali, “Te eno te ena wei mu ebo bidi dabe augwali ma saibao, tama te eno te ena mu koneani bidi dabe seselalubo dao.

¹⁵Te augwaligo enaba gedu haluasa po wabo sogo, te eno augwaligo wabo po odaibao. Tama te sęgę augwaliba pedalubaso da, te ena augwali dali bidaibao. Tama eno augwali ma selama, tama augwaliba te genuai nogi mawaibao.

¹⁶Te augwaligo bidabo ula te ibanu gana bobage kidilama, te augwa gasa ugwadu me daganobo tiwai yaibao. Tama eno augwali ma selama, tama augwali ena dali bidaibao,” wali.