Godigo Nogi Ugwaba Sabo Tęąbi Po Wabo Buku Dabe 84:5-12

⁵Te we bidi dabe augwa te nagede bomo selama, tama te Saion bulu duba pabo homu wei elama, augwa te sesemane pemene yabo homu ebo dao.

⁶Augwa pelayu, te wa pai bulu odogo pesageba dulama, tama te bulude te wę ulu hauwa pedalubo pesage elalubao. Tama te kigamu tulubage tulama, tama te dedageba te węgo pągąbo dao.

⁷Te bidi dabe bilama, te bomo yai pedelaibao. Te augwali pelama, te Saionba sabolama, tama te God bidibo sueibao. Aga te tigidali tibo godide te ugwadu elalubo God dao.

⁸Genuai Bidi, nage te Tigidali Bomo Elalubo God, te eno gedu haluasa po wabo odao. Nage te Jekopgo God, te olo bugagia munama, eno po odao.

⁹God, nago dago kingba wiegi yai sę yao. Naga digi aga sa mubaso, tama aga te king bidibao.

¹⁰Te ena deli sogo naga te nago tempel bede bidibaso da, tego te 1,000 sogo te gasa bulude bidibo te aiyaba mu elaluai. Ena te ena Godigo be sunumide dolaluabo homu wei mu ebao. Tiali goli, ena te dwai bidi dabego bede bidabo hagela homu ebo dao.

¹¹Genuai Bidi, te da seselalubo bidi, te dago genuai nogi elalubo king dao. Agai te olo tau sabo wiegi yai kolesaga dabolo eyu, tama daba genuai nogi mayu yali. Agai te bugagia dolasa bilibo we bidi dabede te mena nai me deli me dąų me ela sogobeo.

¹²Godigo Te Tigidali Bomo Elalubao, te nageba konealubo homu dąų wabo we bidi dabe, augwa te wiegi yai pemene sesemane emainu yagameo!