Godigo Nogi Ugwaba Sabo Tęąbi Po Wabo Buku Dabe 83:7-17

⁷Tama te Gebal dabe me, te Amon dabe, tama te Amalek dabe me dao. Te hani bage dabe, augwali te augwali te Filistia badu, me Tair badu bidali.

⁸Siria me te augwali dali sisinani. Te bomai hani augwali te Lotgo hani tau salio.

⁹Nago te tobage tiwai kolesaga te augwaliba yao, te polobadu nago te Midian dabeba yali tiwai, me te Sisera, me Jabin dabe, te genuai wę Kisonde yali tiwai yao.

¹⁰Te sogo nago augwali te Endor bulude dolama, tama augwa tigi te tǫde munaluama, tama damua pai dao.

¹¹Nago te augwa ami dabego kepten bidi dabebolo te dwai dene mao, te polobadu nago te Orep de Sep side yali tiwai gilama yalio. Nago te augwaligo tobolu bidi dabe aiyaba elaluao, te nago te Seba de Salmuna side yali tiwai gilama yalio.

¹²Te bidi dabe augwaligo te tama po wai, “Dago Godigo te tǫ sobaso da, teda te dena tǫ mu naga tama pedelaibao,” wali.

¹³Eno God, nago augwali te tǫ hogomu tiwai sela sąyu, tedela palao. Augwali sela sąyao, te waligo te wit bo sela sąyu, tedela palubo tiwai yao.

¹⁴Siago te kala dobaso, tama te kala elalubo bulu dude te sia genuai dabo dao.

¹⁵Te tiwai naga gilama, nago te genuai tulubage tagala palama, tama te hani bage te pobeasa pobaso, te augwali wi paibao. Tama nago te bomai wali mu augwaliba tagala palubaso, te augwali wi yaibao.

¹⁶Genuai Bidi, nago augwali aiyaba mu elalubaso, tama augwali hale dwai mu eyu, tama augwaligo nage wali pabo homu yaibao.

¹⁷Eno homugo te nago augwali elalubaso, tama augwali te sesemane wi dwai mu yaibao. Nago augwali hale ilama, tama augwali ela muao.