Yabura 83:7-17

⁷Edonkae, Sumayila bɔnsɔɛ, Mowabakae, Hagarikae,

⁸Gebalakae, Amonikae, Amalɛkikae, Filisitakae, Tirekae,

⁹nun Asiriyakae birin bara kafu Loti bɔnsɔɛ ma.

¹⁰I xa e bɔnbɔ alɔ i a raba Madiyankae ra ki naxɛ. I xa e bɔnbɔ alɔ i a raba mangɛ Yabini na ki naxɛ, a nun a xa sɔɔri mangɛ Sisera ra ki naxɛ Kison xure yire.

¹¹E sɔntɔ nɛ Endori, e fure naxa lu bɔxi ma, e mu ragata.

¹²I xa fe xɔrɔxɔɛ raba e xa kuntigie ra, alɔ i raba Orebi nun Seebi ra ki naxɛ. E xa yareratie xa lu alɔ Sɛba nun Salamuna, naxee a fala,

¹³«Won xa Ala xa ɲama xa bɔxi findi won gbe ra.»

¹⁴N Marigi Ala, i xa na mixie lu alɔ sɛxɛ, foye naxan xaninma.

¹⁵I xa e xun nakana alɔ tɛ fɔtɔnyi ganma ki naxɛ geyae fari.

¹⁶I xa bira e fɔxɔ ra xɔnɛ kui alɔ turunnaadɛ magaaxuxi.

¹⁷Marigi, i xa e rayaagi alako e xa gbilen i ma.