Godigo Nogi Ugwaba Sabo Tęąbi Po Wabo Buku Dabe 65:2-6

²Nago dago gedu haluasa po wabo odobo dao. Tama tibaso, da tigidali we bidi te nageba asobao.

³Dago te dena yali dwai sęde homu kone palu tama tiali. Te dena dwai sęgo da aiyaba mu elaluali, tiali goli, dago koneani, te nago dago dwai sę te dagala sąwaibao wabo dao.

⁴Te nago sa munama, tama nago pąba odasa pabo bidi dabe, augwa te wiegi yai pemene emainao. Te tigidali wiegi yai sę yabo kolesaga nago dabolo te moni lotu be tempelde, te nago wiegi yai tedali bede mawai, tego da mu usu naibao.

⁵God, nago naga te nago da te boi hwįbode ma selama, tama da bugagia bidibo dao. Nago dago gedu haluasa po wabo odao. Te nago da ma sainu yali sę te sę mu yai. Te dade te digibulu mu te tigidali tǫ habude bidibo bage dabe, tama te augwa pesageba sabolainu, te tamu ąį nogeali, augwaligo konealubo homu nageba dąų mu wabo dao.

⁶Te nago bomogo te bulu du dabe pedalumainu elama, tama augwali te augwa pesagede elalubao. Nago bomo te genuai mu dao.