Salmo 65:2-6

²am-in ay ipogaw et omasag-en dan sik-a, tan sik-a di manongsongbat sin kararag da.

³Nadagsenan kami sin basbasol mi, ngem sik-a di mamakawan en dakami.

⁴Nagasat din pinilim ay mantee sin Timplo ay beey mo. Mapnek kamin to sin bindisyon ay idawat mo ay gan-ganasen mi sin nasantoan ay beey mo.

⁵Sik-a ay Diyos ay mangisalakan en dakami, nalinteg ya nakaskasdaaw di iyat mo ay manongbat sin kararag mi. Isonga sik-a di pantalkan di ipogaw sin intiro ay daga, olay mo kaaddawian ay ili di kad-an da.

⁶Palalo tet-ewa san panakabalin mo, tan insaad mo din kadontodontog babaen sin bikas mo.