Gesami Hea:su 80:1-11

¹Isala:ili fi Sibi Ouligisudafa! Ninia sia:be nabima! Di da Dia Hadigidafa Fisu da:iya ougia hamoi esafulubi liligi amo dabua gadodafa fisa.

²Ifala:ime fi, Bediamini fi, Ma:na:se fi amola nini huluane ba:ma:ne, Dia gasa bagade hou ninima olelema. Nini gaga:la misa.

³Gode! Nini Dima sinidigili misa:ne oule misa! Dia asigili olofosu hou ninima olema. Amasea, nini da gaga:i dagoi ba:mu.

⁴Hina Gode Bagadedafa! Habowali seda Di da Dia fi dunu ilia Dima sia:ne gadobe amoga ougi dialoma:bela:?

⁵Di da ninima se nabasu amo nabima:ne iasi. Amola Di da nini dinanoma:ne si hano faigeleiga nabai agoai ninima iasi.

⁶Di da nini guba:le fifi lai, ilia ninia soge amo sia:ga gegema:ne yolesi. Amaiba:le, ninima ha lai dunu ilia da ninima gadesa.

⁷Gode Bagadedafa! Nini Dima sinidigili misa:ne oule misa! Dia asigili gogolema:ne olofosu hou ninima ima! Amasea, nini da gaga:i dagoi ba:mu!

⁸Di da Idibidi soge amogainini waini efe gaguli misi. Di da eno fifi asi ili sefasilalu, ilia sogea amogai waini efe bugi.

⁹Di da amo efe bugi heda:ma:ne none yo abi. Amo efe bugi ea difi da gududafa sa:ili, Isala:ili soge huluane gigisila asi.

¹⁰Amo efe da gigisila asili agolo soge huluane ougigala:i. Amola ea amoda da agologa afufuli, dolo ifa bagadedafa amo ougihai.

¹¹Ea amoda da bu baligili sa:loba afufuli, Medidela:inia hano wayabo bagade bega: doaga:i amola asili Iufala:idisi hano bega: doaga:i.