Gesami Hea:su 68:14-35

¹⁴Gode Bagadedafa da Sa:lamone Goumia, hina bagade dunu ili afagogolesi. Amogalu, E da mugene su sa:ima:ne hahamonesi.

¹⁵Ba:isia:ne Goumi da goumi bagadedafa. E da bagadewane agesone fisiagagadoi.

¹⁶Dilia da abuliba:le dilia bagadewane agesone fisiagagadoi goumi amoga Gode Ea esalebe goumi (Saione) amo higale ba:sala:? Bai amogawi (Saione Goumi) Hina Gode da eso huluane fifi ahoanumu.

¹⁷Hina Gode amola Ea gasa bagade ‘sa:liode’ osea:idafa, da Sainai Goumiga misini, Malei Sesei amo ganodini golili daha.

¹⁸E da gadodafa heda:le, doagala:le fedele lai dunu bagohame amo oule heda:sa. Osobo bagade lelesu dunu da Ema hahawane dogolegele liligi iaha. Hina Gode da gadodafa sogebi amoga esalumu.

¹⁹Hina Godema nodoma! E da ninia dioi bagade agui liligi eso huluane aguni ahoa. E da Gode amola E da nini gaga:sa.

²⁰Ninia Gode da Gaga:su Gode! E da Hina Gode, ninia Hina Gode! E da nini mae bogoma:ne gaga:sa!

²¹Gode da Ea ha lai dunu, amo da mae fisili gebewane wadela:i hou hamonana, E da ilia dialuma goudamu.

²²Hina Gode da amane sia:i dagoi, “Na da dilia ha lai dunu Ba:isia:ne Goumia esala, amo bu oule misunu. Dilia ha lai dunu hano wayabo bagade luguduga diala, amo Na da bu oule misunu.

²³Amasea dilia da ilia maga:me degemu. Amola dilia wa:me ilia da ilia hanaiga defele ilia maga:me heloa:mu. Amo da Gode (na

²⁴Gode! Dunu huluane da Dia hasalasu mogodigisu ba:sa. Amo da Gode (na Hina Bagade) Ea Hadigi Sogebi ganodini masa:ne mogodigisu.

²⁵Gesami hea:su dunu da bisili ahoa amola gesami hea:su dusu dunu amo da fa:no mogodigisa. Amola dogoa da uda a:fini da gulaga hamoi ilibu beano amo dusa mogodigisa.

²⁶Gode Ea fi dunu ilia gilisili sia: dasu amo ganodini, Ema nodone sia:ma! Dilia Ya:igobe egaga fifi manebe! Dilia huluane Hina Godema nodone sia:ma!

²⁷Bisili da Bediamini ea sosogo fi fonobahadi amo maha. Amalu da Yuda fi hina dunu da ilia sosogo fi amo bisili maha. Amo baligiga da Sebiulane amola Na:fadalai elea hina dunu ilia maha.

²⁸Gode! Di da Dia gasaga nini fidi galu. Amo gasa ninia ba:ma:ne olelema!

²⁹Osobo bagade hina bagade dunu da Di amo Dia Yelusaleme Debolo Diasuga esala, amoga hahawane dogolegele iasu Dima iaha. Amoga Dia gasa bagade hou olelema!

³⁰Idibidi fi da fedege agoane, sigua ohe saga: ganodini esala agoane ba:sa. Ilima gagabole sia:ma! Fifi asi gala eno da fedege agoane bulamagau gawali amola ilia mano agoane ba:sa. Ilima gebewane gagabole sisia: ahoaneawane, ilia Dima beguduli ilia silifa Dima ia dagoiba:le fawane yolesima. Dunu amo da gegemusa: hanai gala, ili huluane afagogolesima!

³¹Alofele sia:ne iasu dunu da Idibidi sogega misi dagoi ba:mu. Suda:ne dunu ilia da lobo gaguia gadole Godema sia:ne gadomu.

³²Osobo bagade fifi asi gala hina bagadega ouligi fi huluane! Hina Godema nodone gesami hea:ma!

³³E da musa: hemonega hamoi mu, amo ganodini ahoa. E da gugelebe agoane gulula ahoa.

³⁴Gode Ea gasa amo ha:giwane olema! Ea gasa bagadedafa da Isala:ili fi ouligisa. Ea gasa bagade hou da mu amo ganodini ba:sa.

³⁵Isala:ili fi ilia Gode da Ea Hadigi Sogebi amoga masea, Ea hou da baligili gasa bagadeba:le, dunu huluane da fofogadigisa. E da Ea fi dunu ilima gasa iaha. Godema nodoma!