Gesami Hea:su 145:1-8

¹Na Gode amola na Hina Bagade! Na da Dia bagadedafa hou eno dunuma sisa:le imunu. Na da mae fisili, Dima nodonanumu.

²Eso huluane na da Dima nodone sia:mu. Na da mae fisili, Dima nodonanumu.

³Hina Gode da bagadedafa! Ema gasa bagadewane nodomu da defea. Ea gasa bagade hou da dawa:digimu hamedei.

⁴Dia hawa: hamoi amoma fifi asi amola fifi misunu da nodomu. Ilia da Dia gasa bagade hamosu amo eno dunuma wele sia:mu.

⁵Ilia da Dia hadigidafa hou dawa:le, gilisili sia: sa:imu. Amola na da Dia noga:idafa hamosu, na asigi dawa:su ganodini dawa:lalumu.

⁶Dunu eno da Dia gasa bagade hawa: hamosu, amo gilisili sia: sa:imu. Amola na da Dia noga:idafa bagade hou amo eno dunuma wele sia:mu.

⁷Ilia da Dia noga:idafa hou olelemu, amola Dia asigidafa hou olelema:ne, gesami hea:mu.

⁸Hina Gode da asigidafa amola gogolema:ne olofosu dawa:. E da hedolo hame ougisa amola mae fisili asigidafa hou dawa:.