Gaalu Sɛʋɛi 23:18-21

¹⁸Ɓalaame faalaalii nii woni, é ɠɛ ma: «Ɓalake wuzeɠe, è woilo! Sipɔɔl ná-doun zunui, woilo gòoi ma!

¹⁹GALA ge la ga nuɓusɛi, é ʋa zɛɛi wo, ɓaa nu vulu, é ʋa zeɠe kpɔɛ wooi ʋa. Nii é bogai, é la naa ɠɛa ɓaa? Toɠa woo wo, é la su vai ɠɛa?

²⁰Wɛlɛ, gè devei zɔlɔɔga ga gè tuya loo, GALA ge tuya loa, gè la seɠezu ma.

²¹É la telebotala vaa ɠaani Zakɔɓe ʋa, é la sɔletala vaa ɠaani Izelayɛle nuɓusɛiti ba. Ɠɔoɠɔ GALAGI, é ga ná-GALAGI, naa ɠa tɔun polu, toɠa masadai ma ɠoozunɛɛi zɔlɔɔ ti ʋɔ bɛ.